متورط بقروض واقساط وبلاوي ما يعلمها الا الله بتكلم عن البطاقه اللي تاكل راتبك ومبلغها تافه وقسطها عالي بطاقه ائتمان أو كريدت كارد .. كلها اسماء لنفس البطاقة هذا الموضوع موجه لكل شخص يفكر ياخذ هذة البطاقة أو عنده هذة البطاقه .

اولا : طريقه عمل البطاقه :-

يعطيك البنك بطاقه يكون فيها مبلغ من البنك .. مثلا 10 الف او اكثر … ويسمح لك تستخدمه براحتك وتشتري فيه اخر الشهر البنك يرسل لك الفاتوره او الكشف .. فيه كل المبالغ اللي انت استخدمتها.. ويطلب منك تسدد 5% بس!! طيب وش مستفيد البنك ؟ يسلفك علشان سواد عيوونك ؟؟ لا يقول لك بياخذ عليك فوائد 2 – 2.5 % على المبلغ اللي انت استهلكته طبعا علشان تكون في الصوره الفوائد ربا صريح !! والكل يعرف حكم آكل الرب

ثانيا : ضرر البطاقه :-

البطاقه ما احد يختلف عن حكمها دينيا !! علشان كذا ببين اضراراها الماديه انت لما تدفع .2.5% بالشهر .. معناته انك تدفع30% سنويا !! طبعا بالفوائد المركبه تكون تدفع اكثر لأنهم يسمحون لك تستخدم اللي انت سددته طيب متى بخلص مسددهم وانتهي ؟؟ الجواب ما راح تخلص.. لأنك تسدد 5% وياخذون منها2.5% فوائد لهم !! انت تسدد 500 وهم ياخذون 250 فوائد لهم !! وال250 اللي سددتها تستخدمها مره ثانيه يعني اخر السنه تكون دفعت 3 الاف هديه لهم علشان يسلفونك 10الاف وتكون ايضا اتخلصت من قسط شهري يشاركك براتبك طبعا ضربت المثال على مبلغ بسيط 10 الاف … مع ان فيه بطاقات كثير تتعدى هالمبلغ على فكره في رسوم ثانيه ما تكلمت عنها اللي هي اذا اتعديت الحد او اذا ما سددت شهر او اذا سحبت منها كاش  و تجديد البطاقة و الكارت الاضافى لزوجتك و الى اخرة .

ثالثا : متورط بالبطاقه كيف تتخلص منها :-

اول خطوه تجيب مقص !!  وتقطع البطاقه !! لأنك هكذا تكون وقفت استنفاذ موارداك المالية .

ثانيا تجمع كل الكاش اللي تقدر تجمعة وتقتر على نفسك هذا الشهر ولو تقدر اتسلف من اقاربك وسدد اكبر مبلغ تقدر عليه. قبل تنزل عليك فوائد يعني لو عليها 10 الاف وقدرت تجمع 5 او 6الاف … راح تكون قدرت تتخلص من جزء كبير من المشكله واول ما ينزل راتبك الشهر اللي بعده .. تحاول تدفع اكبر مبلغ … ولو قدرت تسدد كل المبلغ الباقي يكون بركه ..او تسدد 2500 هالشهر … وتكمل 2500 مع الفوائد الشهر اللي بعده التزم بالخطه وتكون تخلصت منها في 3 شهور !! وهكذا تكون تخلصت من البطاقه نهائيا .

طيب لو بطاقتك عليها 20 او 30 الف ؟؟ ولا تقدر تدفعها كلها ؟ الحل انك تاخذ قرض عادي من البنك مدته سنتين بس ..ولو عندك قرض سابق حاول تجدده وتسدد البطاقه مع اني ما انصح بتجديد القروض .. بس البطاقه ضررها اكبر بكثير من القرض .  والقرض على سنتين فوائده 4% سنويا تقريبا مقارنه بالبطاقه اللي تاخذ 30% سنوي وطبعا اذا خلصت البطاقه روح البنك والغيها وخذ ورقه مخالصه وهكذا تكون ريحت بالك ووفرت فلوسك ..ال3 الاف اللي تدفعها فوائد افتح لك حساب فى بنك و سمية بطاقتى .

رابعا : البطاقه ما استغني عنها:-

تفك لي زنقات اخر الشهر( عبارة نقولها دائما )  ممكن لما  تخلص البطاقه وترتب امورك ..

حط لك 3 الاف في حساب منفصل سميه (بطاقتى) واذا انزنقت اخر الشهر اسحب منه  ..واذا نزل الراتب روح سدده كأنه بطاقه ورجع المبلغ مرة اخرى الى 3 الاف او سدد 5% منه عالاقل طبعا الاقساط بتكون اقل لأنك اذا سددت 5%راح تحسب لك كلها دفعه ما راح ياخذوا منها 2.5%  .

اذ انت تحتاج البطاقه للسفر او للشراء من الانترنت :- طلع لك بطاقه وخلي حدها  مثلا 3 الاف واذا اردت ان تسافر سدد فيها قبل السفر المبلغ اللي تريد ان تصرفه وسافر بالسلامة و هناك واستخدم على كيفك وكل هذا بدون فوائد  ولو استخدمت شي من فلوسهم سددها اول ما تصدر الفاتوره او الكشف.. ولا ياخذون عليك فوائد  !!

مدونات أخرى متعلقة بالموضوع :

1. متورط بالبطاقة كيف تتخلص منها – الجزء الثانى
2. انوع البطاقات
3. هل أصبحت بطاقات الائتمان حلما للفقراء أم فخا لاستغلال الضعفاء ؟